تزوجني نحبك****

اللي ما يتزوجك
مستحيل يكون يحبك
الي ما يهديك اسمه ويتشرف بيك كداب
ويقسم حياته لقلبك أي حب ياهبله اللي تبيه منه
تلفونات مكالمات كلام حلو هدا كله راح يأديك هدر للعواطف
تمردي كوني قوية اتركيه يابنتي
مش لانه حرام مش لانه تغضبي في اهلك مش لانه تشوهي في سمعتك
لا لنفسك لحياتك مصلحتك فارقيه ماتتعودي عليه ابعديه
يكفي كروت ليبيانا ولا تبي تلاحقكم شرطة الاداب
أي رجل هدا الي تصدقينه أي عمر تضيعينه
واي زهر تدبيلينه تحسابي نفسك بالعهد وفية
ياحنونة يارقيقة ياغبية
بي بساطة احسبيها بمنطق افهميها
ابعدي العاطفة تأديك الي مايتزوجك لا لا مايحبك
وراح تحبي تاني صدقيني
متي تخلص الحكاية
يكفي العمر اللي ضاع
يكفي صبر يكفي عداب يكفي ذل
مرة ياجبانه اتخدي القرار ينقدك من الضياع
ماتصدقي كلام الاغاني شوفي حياتهم الشخصية ها الفنانين والمغنيين
شوفي لاهلك وين الحب هو العشرة الطيبة
فارقيه وشوفي عمرك زهرك وامشي دربك كلام قاسي
بس الحياه مش لميس ويحيي الحياة اقسي من هكي
نحن علي الارض مش في الجنة

نتمني من كل شاب شرقاوي يقول نصيحةللبنيات باش يفهمو