بعض الاشعار الليبية

بعض الاشعار اليبية انشاء الله تعجبكم

--------------------------------------------------------------------------------

خـــــــوذ القلم اكتب ودكن حبرا
على رحل عدا واندفن فى قبرا

اكتب صـــــــــارت
ليلة رحيله والدمــــــوع انهارت
وارسم ملامح ع العيون توارت
والخط اسود زين وضــــــح كبرا
واملا الورقه كيف روحه طـارت
اللى كان روحى ف الحياه نعتبرا
وعزى العين الـى عليه احتارت
وابكـــــــى امعايا يا قـلم بالعبرا

كيف اللي قاعد من غادي كيف اللي قاعد من دون
كيف اللي جاهل مايقرأ كيف اللي عنده دبلوم
كيف اللي فقري ماعنده كيف اللي عنده مليون
كيف اللي عاقر ماتضنى كيف اللي عنده واشون
موش اخرتها قبر امظلم حتى زول عزيز ايهون

--------------------------------------------------------------------------------

صقع عليك ******* مش نا اللى نشتاقلك ونجيك ****** مهما على اتغيب صقع عليك
انعيش بلاك
ونقدر على النسيان لو ننــــساك
نفسى عزيزه ما اتطيح احــــذاك
ولا تشوف دمعة حزن بين ايديك
نضحك ونلعب كان صار جـــفاك
وندير غيرك مــكر نـــمكر فــــيك
غلطان ما ضنى مصيرى معــاك
فـــــــيدى القرار انكان ما نبيك
مش نا اللى نتعبلك
ومهما على اتغيب ما نحســـبلك
حتى بال sms ما نكـــــــــتبلك
لا يحير بالى ولا نفكر فـــــــيك
مامن سوايا واجده امهلــــــبلك
ونقول عادى ونا اللى انرضيك
واليوم ناوى براحتى نلـــــعبلك
لو جيت جيت انغبت مانراجيك

مانيش عارف كنى .......انسلم عليك ايطير عقلى منى ...... بلا رادتى

شى معاك
حرك مشاعر خاطــــــــرى يا لاك
انكانى حكيت ايسيرلى ارتــــــباك
ويوقف السانى ينكسر يخذلـــــنى
وانكانى قربتك يا عزيز احـــــذاك
ياما ايسير امعاى لو تعلمـــــــنى
وانكانى خذيتك فى احضانى واك
حنانك او عطفك والغلا يقـتلـــنى

فيك حنين
عليه ما اختلفوا يا عزيز اثــــــنين
املون حياتى بالغلا تـــــــــــــلوين
وكل شى فيك اموالفا او جــــــننى
تميت عندى كيف لاكســــــــــــجين
انموت وين اتغيب تبعد عـــــــــنى
بالله حالف او سورة الياســـــــين
ينساك قلبى فالحياة ما ضــــــــنى
سبحان ربى فيك سر دفـــــــــــين
تقول سحر واحجابات لك شالنى

وينك وينك . عندى عليك احقوق خلص دينك .. رانى بنشكى فيك وينك وينك

قالت ام العريس ..
يا أم اشروط اتقول شكاوى ... ياريت ولدنا ماهو غاوى

ام العروس ..
ولدكم ما درنالا شى ... جانا يجري كا الجدي

ام العريس ..
عروسك يا خايل الاباس ... جراده تشعبط ع الساس

ام العروس ..
ها البشوبو الى جبتنا ... كان اتريدنا خودنا

ام العريس ..
لانك عين ولانك جمه ... ولانك من عيله تسما
ياسلم جياب الدبله ...فرح ها العيله المنهبلا
سيقانك سيقان دجاجه... ما جيناك الا من العازه

ام العروس ..
ولدكم بو كرعين اكبار ... جانا يجرى كا الحمار

ام العريس ..
بو عين كبيره فلا ته ... لو ماجاها راهى جاته ههههههههههههههههههههههههههههههههههههههههه ان شاء الله تعجبكم

مشكورة لبيانا
تحياتى

مشكوره ليبيانا خصوصا علي اخر الكلمات هههههههههههههه