مربــــوحة مسامــــــح

ما عليكم فيّ...لفراق منكم والدموع عليّ...

مربوحة أمسامح

مـــــــا نلوي عليكم
إن كان عني هجركم يغنيكم
حسيت غيبة في سلام أيديكم
وفي عيونكم ريت الحنين أشوي
أفداكم العمر اللي جمعني بيكم
وحلم المكان اللي خلاص أفضي
أيامنً أنجوني بالغلا ونجيكم
ويدفن إيديكم في أحضان أيدي
حتي ونا مازال شوقي فيكم
شوق الجدايب والضما للمي
جرحي أمسامح فيه ما إنزابيكم
خلاص أرحلوا ما نريد منكم شي

الله إمعاكم
ما دام عني راحلات أخطاكم
أنعد عقلي ما زهي يالاكم
لا أحلمت لا حسيت إنكم لي
كم كان غالي عالعيون أرضاكم
يا أولاف عندي كي رضا والديّ
وكم كان فرحي وينما نلقاكم
فرحة الغايب للديار إيجي
سامحت ما فارق مغير غلاكم
الدنيا تفرق بين خي وخيّ

ما عليكم فيّ...لفراق منكم والدموع عليّ...
مـــــــربوحةإمسامح

اسلمت ؟؟؟؟
اسم الشاعر للامانه الادبيه اهم شى تقبل تقديرى واحترامى

شكرا يالحاسى واسم الشاعر مرات مانلقوش فيه المهم انه شعر ليبى شعبى جميل وحق الشاعر اكيد محفوظ وانشاءالله نحاول ندور عليه

لك تحياتى وتقديرى

ياسلام كلام في قمه الروعه
مشكور

شكرا كندة تحياتى