ودااااااااااااااااع بااااااااااااااااااااااى

وداعا باى .....وكمل طريقك يا عزيز بلاى
كان الوداع اتريد
وداعا عدى
كان خاطرك ترحل بعيد أتعدى
لانجبرك عن شي وأنت ضدي
ولانقولك ابقي اليوم امعاى
من يوم يومي كل شي في يدي
طاير أو رايح ما يريد هواي
يا عين لا تبكى ولا تجدي
اللي بدلك أيعوضه مولاي
وداع او صار
ورحلة طويلة انتهت بامرار
حاولت نذكر معاه ايش صار
بلكى امقصر وين كان احذاى
وحاولت نبحث ما لقيت اعذار
مظلوم يمكن وعندا الحق معاى
وحاولت نحكيلا جميع اسرار
لكن الباين ما يريد غلاى
وداع او تم
وماعاد يجمعني معاه ملم
الوقت والدنيا أهموم او هم
والبخت عندي كيف كل اعداى
والفرح غايب في بداله الغم
عايش معايا في الزمان احذاى
لو طاح ساسى في الوطا انهدم
ماهى غريبه ديما اتصير امعاى

مع أجمل تحياتي للشاهين

مشكور يا سلومه
بارك الله فيك

مشكور اخى الحاسى اسعدنى مرورك