فرج بالحمد(حاولت)

حاولت نبعد عنك
رديت لك مشتاق
أكثر منك …
ياللى على اترايفي ..

********

حاولت نبعد واجد
حاولت وين الصبر نا نتواجد
رديت لك مشتاق دمعي ساجد
على قبلتك كل المشاعر جنّك
لك خاشعات امرايفات هواجد
دورت واجد ما صدفني حنك

*******

ما صدفنى كيفك
غالي عليك وفي غلاك وليفك
عندي غلا عمرك وعندي طيفك
ما غاب عني لأجل أنك وانك
عندي غلا بردك نسايم صيفك
وعندي أمواعيد الغلا غالنك

******

حاولت ناخذ حذري
حاولت كي بجفاك نبقى بعذرى
طرطشت فى لجداب جودة بذري
طوتنى العطشا ولمزان طونك
نذرنى الصبر وناذرتا

لشاعر : فرج بالحمد




معذور ماني ?ليمك
لوغبت عني أيام وإ? شهور
مانك اللي غايب جفا
? هي اللي غيبة عدد
?ني اللي ناقص وفا
وارياف ماله حد
واللي ونس عيني وزهاها كان
ماتلحظه عيني
م الدمع كيف يبان
جرحي ونارك وانتظارك
وأيام ناسيها العمر
عقلي اختارك
عايش في جوارك
شايل أسرارك
في ت?فيف الغمر
وسبحان ... كيف صار .. وجهك ... زها مطّار
في اجداب ساعات النهار
تخطر علي في كل شي
لك كم من تذكار
رتّل اناشيد الرجايا خاطر وارجاه
واختار ساعات الدجى .. وابكي امام الله
والله .. رب قلوب .. والمحبة نور
والحلم ياسع حلم .. طيفك معاي ... صبور
مراجاه ... نا واياه
ياعذاب حتى في الخطور
* * * * *
معذور ?جل انك علي غالي
في ظني وفي احتمالي
معذور بظروفك
ودّي نشوفك
فارقت خوفك
وشعّت نجومك بالونس
معذور تعرفني ... والشوق جارفني
فيه صبر ينصفني
م النار ياروق النفس
وانت الوجود الرايق
للدمع وينما اضّايق
نشتاق لك ... نشتاق لمس يديك
نشتاق لك ... مالي م?م عليك
حازت ايديّ دونك
مسافات الرحيل
ناديت لعيونك طول الليل
تجسّدت كلمة حب
ودّي نقولها لك
توددت لي بالحب
حسّيت اني لك
غاب الغياب ... ولقيتك معاي
وكان العذاب .. انك معاي
واني وحيد ... حزني مديد
في لوعتي وبكاي ... والبوح يامشكاي
يلف المدامع ... بالغرور
? تعتذر
ماننتظر ... منك جزاء
و? شكور
معذور ماني ?يمك معذور
لوغبت عني أيام وا? شهور...........هذه اول مشاركه لي تقبلو مروري