السلام عليكم ورحمة الله
جبتلكم برنامج من اروع مايكون..
كيف ماهو باين من العنوان افتح اليوتيوب وبسرعه النت يلي عندك يعني مش كيف الطرق القديمه يلي تكون سرعه اليوتيوب فيه ضعيفه جدا جدا.. بس برنامج اليوم سريع جدا وخفيف مش راح تحس بيه ..
طريق التشغيل ساهله بكل..
اول شي عدي للفايرفوكس ودير الاعدادات البسيطه هذين :كيف مافي الصوره ![افتح اليوتيوب وبدون حجب بعد الآن... والتجربه خير برهان Firefoxlj](https://2img.net/r/ihimizer/img22/6391/firefoxlj.jpg)
HTTP proxy : 127.0.0.1
port: 2048
واضغط اوكي .. Ok..
اذا كنت من مستخدمين الانترنت اكسبلورر 7 او 8 ( مش 6 انتبهوا) ...البرنامج راح يعدل بروحه توماتيكي يعني مافيش داعي اتدير الخطوات يلي درتهن في الفايرفوكس
توا انجوا للبرنامج ..........
شغل البرنامج واضغط على ستارت start
صورة البرنامج
![افتح اليوتيوب وبدون حجب بعد الآن... والتجربه خير برهان Youtubesu](https://2img.net/r/ihimizer/img20/6227/youtubesu.jpg)
البرنامج يغيرالاي بي امتاعك لاي بي امريكي يعني كانك في امريكيا.
وخلاص .. عدي شغل الفايرفوكس والانترنت اكسبلورر 7 او 8 وشغل اليوتيوب وشوف .
في حالة كملت وخلاص تبي ترد كل شي في مكانه اضغط على ستوب stop
وعدي للفايرفوكس ورد الاعدادات كيف ماكانن.
اي مشكله في الخطوات فقط بلغوني
مشكورين على المشاهده
رابط البرنامج
البرنامج حجمه صغير جدا لكن فعله كبير
http://www.mediafire.com/?mmmnzuz0hmgالروابط ان شاء الله دائمة وهي من رفعي الخاص.
ودمتم في رعاية الله
وماتنسوش الردود التشجيعيه بيش الواحد يسخن ويجبلكم كل جديد ومفيد