شتاوات:ليبيا الحره

بسم الله الرحمن الرحيم
حبيت ننقللكم بعض من الشتاوات
الى تنقال فى ساحة الحرية" بنغازى"
ويارب نشوفوا ليبيا محرره قريب

هلل وبدا بالتكبير ....كان تريد الطاغى يطير
ياقذافى طايح طايح...ماعندك منها وين رايح
ماتبطل من هاالهزايب ...لاقصر عيل لا شايب
نحن مايمثلنا والى ,,,امفيت المجلس الإنتقالى
قالو كش عرب نفوسة...داروا فى القذافى حوسه
قولوا لطابور الخامس...جاكم ليل طويل ودامس
بأذن الله اتجيه رصاصه..تفصله جسمه من راسه
اجعنك ياقتال ضنانا....اتعفن ماتلقا جبانه
مطالبنا مطالب شرعيه...لانريدوا سيف ولا بيه
معمر صكر راس اجدير...مع وازن ريناه الخير
بأذن الله اتجيه رصاصه...من قناص يعدل راسه
ياطاغوت زمانك عدا....مشيه ماعاد فيها رده
يابلاد المليون شهيد ...لزى هالمرعوش بعيد
قولوا لسيف يقول لباته....عدا وقت انتخاباته
ايريد ايدير انتخابات....وهو ماعنده وين يبات
بوشفشوفه جاته جلطه...ماعنده ثروه لاسلطه
ان شاء الله الخير علينا يعم...بعد يمشى مصاص الدم
ان شاء الله بلادى يجيها الخير...بعد مايمشى هالحقير
طراااااااابلس هدى الأسوار ...الشعب الليبي كله ثار
طرفه مانى بيها سامع...شيطان ويرقد فى الجامع
الصقر الى سموك عليه...ماتسوا ريشه فى كرعيه
اتذوق النار الى ذقناها....صفيه فى اسرار ضناها
بو سوريه فيها حلا... والله لازم نوصله
ياسبها لزى قواته....كى بنغازى كى مصراته
والله ماتقدر تقربها...معروفين ضناها سبها
ياثوار عروس بحرنا...نبو راس الى قاهرنا
الليله ديريلا بوماطا..راه الطاغى زاد عياطه
ماتكدر يا طرابلسى ..خوتك جوك وهمك منسى
ياورفله ويا ترهونه...فى سوق الجمعه تلاقونا
الله نصرنا يا ثوار ...السحر تبدل ع السحار


السلام عليكم ورحمة الله