السلام عليكم
هذه القصيده في رثاء المرحوم الغناي والشتاي عبد الكافي البرعصي
وهي لاحد اصدقائي من شباب مدينة طبرق وهو من المعجبين جدا
بالمرحوم وما قال من غناوي وشتاوي وهو ايضا مهتم بالتراث الليبي
والشعر الشعبي ...وانا عرضت عليه فكرة ان اطلعكم على هذه القصيده
الرائعه ..وقلت له ان شباب منتدي شباب المرج مهتمون بهذه الامور وسوف
يعجبهم ما قلت ..وهذا سوف يظهر في ردودهم وتعليقهم على القصيده
وصديقي او الشاعر اسمه ....عبد الناصر عياد غيضان لمزيني......
والان اليكم القصيده...
صارت اليوم فقدته ......الله يرحمه ياعين في اخرته.....بعد طيحته بعد مرضته
صارت اليوم وغاب ..........................شايب ايغني بالعلم بعجاب
تحلف عليه ايمل من الكتاب .................لكن بعقله قسمه لحزاب
شتاوي وغناوي وقول شي ماجاب ......راجل شهير وحر ما ينعاب
كلامه مع لسانه ايدير حساب .........امرافق عصاره دوم مو خياب
انكان جيتم تنظر تريس اعجاب............ومنهم الغاير ينقهر ويهاب
وينسو العايب كان فيهم عاب...........وديمه زعلهم ينتهي بعتاب
ضناهم ضنى الاجواد موسياب.......انكان جيتم تطلب ايجوك انساب
ايواروا العيبه ويسترو الجواب.........عليكم الكافي ياغوالي غاب
ايام جيته للبيت يا لحباب............ايخايل مع عقله وصرخة الهنداب
وقول الغناوي شهرته ماجاب..........تسمع شتاويه اتدير مناب
رزقه حلال حلال موش اعطاب............يوما توارىكان يوم عذاب
وغيبة الغالي ياالعين كمته...........الخاطر مع عقلي بكى يومته
صارت اليوم فقدته ...........الله يرحمه ياعين في اخرته.......
بعد طيحته بعد مرضته
صارت اليوم توارى ...................وابكي عليه اشوي يا ضرضاره
ونسمع على البطوم قال اخساره.......سيد الصوب عليك اليوم توارى
وجعني الخاطر رمته باشاره......ومدة خمس اعوام فارق داره
راقد ايشاكي مرضته جباره.......مغمى عليه اسنين يا منهاره
خسارة العلم وخسارةالقذاره........ايحط الجلم في اليد تولع ناره
لا عد ايشتي عالغلا واشعاره........ولاعاد ايردن من جديد افكاره
ولا عاد ايهزر يوم كيف اهزاره......وديمه ايواري زعلته ببصاره
وقلبه حنون في صاحبه وفي جاره....وديمه ايراضي في ضنا موكاره
يفرح ويكرم كان جيت مزاره.......فارس فراسة خيل مو نبهاره
عارف اكحيله والعدو والغاره.......وعارف النحل والقير ولا مياره
عارف الطير وعيشة البزاره.........وعارف النير وعارف النياره
وعارف المسدى طيحته قهاره........وما عاد ايردن من جديد ادياره
ونختم اختام القول في دنواك....الله يرحمك ويحسنه مثواك
ويرحم جميع المسلمين معاك
يحسن الله عزاك .......ياللي مشيت وجيت في دنياك......عليك دعوتي
مع تعازي مقدم الثراء....
عبد الناصر عياد غيضان لمزيني لعبيدي
مع تحياتي فضل بوشعالة