شــــــن خــــــــلــــــيــــــت

شن خليـــــــــت = كبدى و روحى والعيــون خذيت

أنريد ننشدك بالله

شــــن عقــــــبت = قلــبى ونبضى والكنـين سلبت

حتى النفس والروح ما هلبت = شلت النظر والصوب فيك بلـيت

ساكن جواجى العقل فيك كتبت = كــل القصايد يا جميل الصيت

فى غيبتك ساعة أدموع سكبت = لو غبت عنهن يوم را انعــميت

***

شن ما جــــــــــــاك = خلف تمكن فى الكنين غلاك

ياحــــلم في زينك أتقول ملاك = يالخايله في الزين ما كفــيت

يالـرايعه فى روعتك محلاك = يام الميـــــامى سود وامفاليت

يام الجدايل ع الكتوف احذاك = عاشق صحيح انقولها حـــبيت

***

انريد ننشدك ع الشــــــوق = انريد ننشدك ع الحب والمعشوق

انريد ننشرك بالك امعاى اتـروق = وفى فاهقى يامـا اللى واريت

عندى مشاعر شــذيها مطلوق = هدت على ساسك لها حنيــت

ياللى الحــنين امعاك بلسم ذوق = لـو عام نوصف فيك ما وفيــت

شن خليـــــــــت = كبدى و روحى والعيــون خذيت

منور ياطير

شكرا يا عبدو هذه القصيده ملكيتى وسبقتنى بوضعها فى المنتدى بوركت وجزاك الله الف خير

خلتلنا مدير لمنتدي راقي
مشكور عبدو