جامعة المرج ملتقى لشلتت

السلام عليكم
والله انا جامعه انشاء الله السنه الجايه نقراء فيها وانا مانعرفش عنهاشي

شنو ايسرفيها بس نسمع في المشاكل والعرايك والقتل قاعده فوضه.


ونحنا البنات في المدرسه انقولوها جامعه العفاريت والوحوش من يالي نسمعو

فيه في الجامه المرج

وسلام

وسع بالك يا طالب طب والله في وحديين يتعبو عشان مستقبلهم

المشكله يا عماد في طلبله والله بجد يقرو ويتعبو عشان مستقبلهم ولو سكرت مستحيل يكونو اساتذه ولا دكاتره والمرج تسكر وكل وحد يرجي يومه وخلاص

السلام عليكم ياشباب تبو تاخدو راى الجامعه لازم تسكر لان المشاكل تمن ايزيدن والامن يتفرج

ياشباب الله المستعان بس نقدرو نصلحو من وضع جامعتناوجامعتنا حلو وعرب المرج الاصليين ناس فاهمه وواعيه بس الناس اللي دخلوها بأفكارهم الغبيه لاحرج عليهم
تحياتي خوكم سراج البركي

انااقترح ان يديروا جامعتين في المرج وحدة للشباب واخرى للبنات حتى تنتهي المشاكل التي سببها الاستعراض امام البنات

والله شوفوا الجامعة تمشي(بالبركة)لاإداراة ولا نظام ولاأمن ولاحاجة,اللي تشوفه في الجامعة في الغالب هو (السروال الطايح والشعر المشتشت من الجل والخلطات والأغاني ولاننسى أيضا جميع أنواع الأسلحةفي حال وقعت أى معركة يكون المقاتلون على أهبة الاستعداد وفي كامل عدتهم)هذا بالنسبة لكثير من الشباب,أما البنات كالتالي(العطر اللي اتشمه من بداية الجامعة,والضحك بالصوت العالي الذي لايدل إلا على..........,وأما اللباس فحدث ولا حرج خصوصا في الصيف مات تعرفش روحك في جامعة ولا خشيت بالغلط في خيمة صبايافي فرح)هكذا حال كثير من البنات,لكن مااااااااهوالحللللللللل.نرجو اقتراح حلول عملية.....

والله مليت من الجامعه ومن عرب الوطن الفوقي (( المحدرين ) والله صدق اللي قال بوادي واحوافر ومستغرب كيف وحدين صباع محترمينهم واللي طالب ايديرولا جو .... ليش
علي العموم تبو الامن يسقم تجيكم امن من الغرب تو يسقمو بعدها ال...

الطير الجارح كتب:

انا في نظري ان السبب الجوهري في الفوضى اللي صايره في الجامعه هيا من جماعة الامن اللي قاعدين من دون فايده واللي كل يوم عددهم في زياده اصلا الصياع والناس اللي مش طلبه كيف خشوا للجامعه لولا جبناء الامن اللي خلوهم ايخشوا اصلا جماعة الامن مش غريبه عليهم لانهم اللي يبدا طالب ادرهوا في كبده اما الصياع ايخافوا من منهم لانهم ايعاملوهم بالكف واذا كان عنصر الامن من الناس اللي ايتعاطى الحشيش مقابل الحشيش ايخلي حتى ابليس ايخش عادي وسامحوني ع الاطاله وهذا اللي صاير وربي يصلح الحال

كلامك صحيح مع انه فيه ناس من جماعة الامن الجامعى واعين وثقفين بس الاغلبيه من النوع اللى ذكرته اذكر انى مشيت للجامعه مره درهولى كبدى وكنت ماشى انسجل و انشوف فى ناس نعرفها مش من الجامعه اصلا والله ما واحد ايقوله وين ماشى ليش ؟؟؟؟ السبب معروف لنا ولكم اصلا اشلتت ما ايطيح الا فى الشلتت

انا في نظري ان السبب الجوهري في الفوضى اللي صايره في الجامعه هيا من جماعة الامن اللي قاعدين من دون فايده واللي كل يوم عددهم في زياده اصلا الصياع والناس اللي مش طلبه كيف خشوا للجامعه لولا جبناء الامن اللي خلوهم ايخشوا اصلا جماعة الامن مش غريبه عليهم لانهم اللي يبدا طالب ادرهوا في كبده اما الصياع ايخافوا من منهم لانهم ايعاملوهم بالكف واذا كان عنصر الامن من الناس اللي ايتعاطى الحشيش مقابل الحشيش ايخلي حتى ابليس ايخش عادي وسامحوني ع الاطاله وهذا اللي صاير وربي يصلح الحال

طالب طب
كلامك مزبوط الجامعه تحتاج الى وقفه جاده من المسؤلين فى المدينه لان اللى ماسك الجامعه من بره المرج مسكين وين يعرف شن صاير فيها و الامن ياعينى ع الامن الجامعى هم ابروحهم يبو تأهيل الا ما رحم ربى حاميها حرميها ..... هذوم هم اللى ايخافو وايخوفوا
و الجيل من سيى الى اسؤاء جو مهند ونور و ضايع مع سنوات الضياع يعنى مش غير العاملين فى الجامعه بس هم المذنبين و خلك من الفروخ اللى ماعندهم شغله ومشغله الا الجامعه يا راجل تلقاه مازالو ايلبسو فيه فى القطن ويمشى ايعاكس فى الجامعه وكأنها سوق او صالة افراح او مراح ههههههه على قولة عرب المزارع
ربى يصلح الحال

والله أنا أرى أن وضع الجامعة وضع سيئ للغاية وأن الوضع فيها لايحتمل,والأمر يحتاج إلى وقفة جادة من الجميع,وأما أنها صارت ملتقى (ملتقى للبوادي والحوافر والشلاتيت والصياع)فأنا أتفق مع هذا الكلام لدرجة كبيرة جدا,وأماأنها(حلوة ومنورة)ياااااريت.

المرج خلاص تغير و الناس تغيرو
الناس البركه راحوووووو الله يرحمهم و المدينه الله يرحمها
ضناها تربوا على مفاسد الاخلاق الا ما رحم ربى و الدخان والحشيش و المخدرات و ضياع الاخلاق و انحطاطها وللاسف بدت العمليه جهارا نهارا وبالتباهى لانعدام الوعى و لعدم تطبيق القانون على الطبقات (( ..........هل الوطن )) ويكأن الناس اللى من المرج ومولودين فى المرج وعايشين فى المرج ولهم غيريه وخوف على مدينتهم وهلها اكراد او ارمن او امازيغ
وبدت هذه الثقافه فى اذهان الصغار قبل الكبار فكيف تأمن على الجيل اللى بعدنا وعلى ضنانا ....................
ربى يهدى الجميع ولك الله يا مدينة المرج الا جامعة المرج سوق سعى ...............اكباش ايتناطحن

بجد انا منعرفش جامعتكم
بس اكيد مش كل الناس
(ممكن تقبل منى تعليقى عيب منك لمه تقول (ملتقى للبوادي والحوافر والشلاتيت والصياع)منقوله

نحن كيف نبو نتقدمو مدام نحن نطعنو فى انفسنا
تقبل مرورى

تذكير:سلام عليكم,آسف للانقطاع الأيام اللي فاتت ,لأن كان عندي امتحان ,على كل حال وين التفاعل بخصوص موضوع الحملة,معقولة رد واحد فقط على الاقتراح,نرجو التفاعل وتنشيط المنتدى وينكم ياشباب.

والله العظيم أنك صدقت فيما قلت,فإن الأمر في الجامعة أصبح فوضى واستهتار وعدم مبالاة من كثير من الطلبة ,بل يزيد الأمر سوءا عندما نرى هذه المظاهر السيئة من المسؤولين أنفسهم,فصارت الجامعة مرتعا لكل من يريد المعاكسات وإقامة العلاقات المحرمة مع الفتيات,فأسأل الله أن يهدي الجميع لكل ما يحب ويرضى,وأقترح لو بدأنا بحملة في هذا المنتدى للمطالبة بفرض القانون والا حترام في الجامعة,أرجو من الجميع التفاعل والمشاركة في هذا الموضوع,وبالمناسبة هذه أول مشاركة لي في هذا المنتدى,حيث أنني تعرفت عليه مصادفة,وأنا من فترة أبحث عن منتدى لشباب في مدينة المرج يناقش ما يحصل فيها من أحداث وأمور,وشكا لكم وآسف على الإطالة .